Surah ar-Rum with Urdu Translation

21پارہ نمبر
60آيات
6رکوع
84ترتيب نزولي
30ترتيب تلاوت
مکیسورہ

اس سورہ کا نام الروم ہے، یہ مکہ مکرمہ میں نازل ہوئی۔ اس میں چھ رکوع ہیں۔ اس سورہ کے مضامین اپنی بھرپور معنویت اور اثر انگیزی کے ساتھ عیاں ہوتے ہیں۔ ابتدائی آیات میں بتایا کہ انسان اپنی ظاہری جاہ و حشمت پر اتنا مفرور ہو جاتا ہے کہ وہ اپنے اعمال بد کے نتائج سے بھی بےفکر ہو جاتا ہے وہ یہی سمجھتا ہے کہ اس کا آفتاب اقبال سدا یوں ہی چمکتا رہے گا۔ اس کے حسن و شباب کی بہار کبھی خزاں آشنا نہیں ہوگی۔ وہ قریبی عوامل بھی اس کی نگاہوں سے اوجھل رہتے ہیں جو عنقریب اس کے عیش و نشاط کی بساط کو الٹنے والے ہوتے ہیں۔ سورہ کے مختلف مقامات پر اللہ تعالیٰ کی قدرت اور حکمت کی روشن دلیلیں ذکر کرکے یہ ثابت کیا گیا ہے کہ وہی خدا ہے جو ان صفات کمال سے متصف ہے اس کے علاوہ سب اس کے عاجز بندے ہیں۔ کسی کو یہ زیب نہیں دیتا کہ اس کی ہمسری کا خیال کرے، کسی کو یہ حق نہیں پہنچتا کہ وہ کسی کو اس کا شریک بنائے۔

تعارف سورۃ الروم

اس سورہ کا نام الروم ہے جو دوسری آیت ’غُلِبَتِ الرُّومُ‘ سے ماخوذ ہے۔ یہ مکہ مکرمہ میں نازل ہوئی۔ اس میں چھ رکوع۔ ساٹھ آیتیں، آٹھ سو انیس کلمات، تین ہزار پانچ صد چونتیس حروف ہیں۔

شان نزول

اس سورہ کی پہلی پانچ آیتیں اس بات کی ناقابل تردید دلیل ہیں کہ قرآن کریم اللہ تعالیٰ کی کتاب ہے جو علیم بھی ہے اور خبیر بھی۔ جس کے علم محیط کے سامنے ماضی اور مستقبل کا ہر واقعہ عیاں ہے اور حضور نبی رحمت محمد مصطفی علیہ وعلی الہ افضل التحیۃ واجمل الثناء اسی ہمہ دان اور ہمہ بین رب العالمین کے سچے رسول ہیں۔ لیکن یہ حجت قاطعہ اس وقت تک اپنی عظمت و جلالت کے ساتھ جلوہ نما نہیں ہوتی جب تک کہ روم و فارس کی باہی طویل اور خونریز آویزش کا تذکرہ نہ کیا جائے۔ اس لیے طوالت سے دامن بچاتے ہوئے ان آیات کا تاریخی پس منظر قارئین کی خدمت میں پیش کرنے کی کوشش کرتا ہوں۔

خسرو اول جو نوشیروان عادل کے نام سے معروف ہے کی وفات کے بعد اس کا چہیتا بیٹا ہرمز تخت ساسان کا وارث بنا۔ اپنے نامور باپ کی وسیع و عریض مملکت کے علاوہ اسے اپنے باپ کی شہرت، نیک نامی، عادلانہ اور دانشمندانہ آئین جہانبانی بھی ورثہ میں ملا۔ مزید برآں اسے بزرجمہر جیسے نیک نفس اور پاک طینت استاد اور فلسفی کی سرپرستی بھی میسر آئی جو اپنی علمی قابلیت اور فلسفایہ انداز فکر میں بےمثال تھا، لیکن جب بزرجمہر پیرانہ سالی کے باعث امور سلطنت سے الگ ہو کر گوشہ نشین ہوگیا تو اس کے نواجوان شاگرد ہرمز کے اردگرد خوشامدی اور بد دیانت لوگوں کا جمگھٹا ہوگیا۔ انہوں نے چن چن کر نوشیروان کے مخلص اور زیرک مشیروں کو دربار شاہی سے نکال دیا اور آہستہ آہستہ ہرمز کے دل کو عدل و انصاف، نیکی و رعایا پروری کے جذبات سے متنفر کر دیا۔ رفتہ رفتہ ملک کا نظم و نسق تباہ ہونے لگا۔ جن لوگوں نے از راہ خیر خواہی بادشاہ کی توجہ کو بگڑتے ہوئے حالات کی طرف مبذول کرایا، انہیں قتل کر دیا گیا۔ جہاں کہیں اس ظلم و ستم کے خلاف فریاد اور احتجاج کی آواز بلند ہوئی اسے عسکری قوت سے کچل دیا گیا۔ ہرمز نے اعلان کر دیا کہ وہ صرف بادشاہ ہی نہیں، قاضی الحاجات بھی ہے اور اسی کا فیصلہ آخری فیصلہ ہے۔ شاہی محلات کے درودیوار، شاہی دربار کا کونہ کونہ مملکت کے تمام شہر اور دیہات اور دجلہ کا پانی بےگناہوں کے خون سے رنگین نظر آنے لگا۔ اسی جبرو تشدد پر ہرمز اظہار فخر و مباہات کیا کرتا۔

آخر تنگ آکر ملک کے مختلف صوبوں، بابل، سوسا اور کارمینہ نے علم بغاوت بلند کر دیا۔ عرب و ہند کے باجگزار سلاطین نے خراج ادا کرنے سے انکار کر دیا۔ ایران کے ملکی حالات سے فائدہ اٹھاتے ہوئے رومیوں نے بھی از سر نو اپنی ترک تازیوں اور غارت گریوں کا سلسلہ شروع کر دیا۔

ترکستان کا خانخاناں تین چار لاکھ ترکوں کی جمیعت لے کر ایران کی مشرقی سرحد پر آپہنچا اور ظاہر یہ کیا کہ وہ رومیوں کے مقابلہ میں ہرمز کی امداد کرنے کے لیے یہ لشکر جرار لے کر آیا ہے۔ ناعاقبت اندیش ہرمز اس دام فریب میں پھنس گیا۔ اس نے اپنے شہروں کے دروازے ترکوں کے لیے کھول دئیے۔ جب وہ اپنے قدم جما چکے تو اسے اس وقت معلوم ہوا کہ وہ تو فقط مملکت ساسان کا چراغ ہمیشہ کے لیے گل کرنے کے لیے آئے تھے اور ترکوں نے رومیوں کے ساتھ ساز باز کرنے کے بعد ادھر کا رخ کیا تھا۔ اب ایران دو جابر اور طاقتور دشمنوں کے چنگل میں پھنس چکا تھا۔ سارے خوشامدی لرزہ براندم تھے ہرمز خود پریشان تھا۔ اس وقت بہرام آگے بڑھا اور دس بارہ ہزار بہادر سپاہیوں کو لے کر ترکوں کی ٹڈی دل افواج کو شکست فاش دی۔ ہرمز کے دل میں اس کے خلاف حسد کی آگ سلگنے لگی۔ اس کے حواریوں نے یہ چغلی کھائی کہ بہرام نے لوٹ کے مال سے قیمتی اشیاء اپنے لیے مختص کر لی ہیں۔ اس سے وہ اور بھڑکا لیکن رومیوں کے اچانک ہلہ نے اسے انتقامی کاروائی سے روک دیا۔ بہرام کو بڑی پذیرائی بخشی گئی اور اسے رومیوں کے مقابلہ کے لیے مقرر کیا گیا۔ اس جنگ میں بہرام کا ایک جنگی منصوبہ بادشاہ کو پسند نہ آیا اور اس نے اسے بہاہ بنا کر اپنے ایک شاہی قاصد کے ذیعے اسے ایک سوت یا اون کاتنے کا لکڑی، چرخہ اور ایک زنانہ جوڑا بھیجا۔ اس نے بادشاہ کے حکم کی تعمیل کرتے ہوئے یہ زنانہ لباس پہنا اور اسی طرح اپنے لشکر کے سامنے آیا۔ اپنے بہادر جرنیل کی اس بےعزتی پر افواج کو یارائے صبر نہ رہا سب نے بغاوت کر دی اور بہرام کے ساتھ حلف وفاداری اٹھایا۔ دوسرا شاہی قاصد جو بیڑیاں لے کر آیا تھا تاکہ بہرام کو ان میں جکڑ کر حاضر دربار کرے۔ اسے لوگوں نے شدت غضب سے اپنے پاؤں کے نیچے روند ڈالا۔ قلیل عرصہ میں لوگ بہرام کے پرچم کے نیچے جمع ہوگئے۔ سارا ملک اور دار السطنت مدائن بھی ہرمز کے خلاف اٹھ کھڑا ہوا۔ اس کا بڑا لڑکا خسرو دوم اس شور و شغب میں شہر سے نکلنے میں کامیاب ہوگیا۔ ایک ساسانی شہزادہ بنڈوز (BINDOES) کی ترغیب پر وہ واپس آیا اور تاج شاہی اس کے سر پر رکھ دیا گیا۔ ایک عام عدالت میں ہرمز کو بطور مجرم پیش کیا گیا اس کا اترا ہوا چہرہ خلعت شاہی کے بجائے اس کے بدن پر چیتھڑے، اس کی اشک بار آنکھیں، وہ زنجریں جن میں اسے جکڑا گیا تھا، دروں کے وہ نشان جو اس کے جسم پر جگہ جگہ نظر آرہے تھے، اس کے ظالمانہ، سفاکانہ اور وحشیانہ افعال کی شدت کو کم نہ کر سکے۔ اس نے مطالبہ کیا کہ خسرو کو معزول کر دیا جائے اور اس کے چھوٹے بیٹے کو تخت نشین کیا جائے۔ لیکن اس کی یہ خواہش ٹھکرا دی گئی‘ بلکہ اس کے سامنے اس کی ملکہ اور اس کے لڑکے کی لاش رکھ دی گئی۔ اس کی آنکھوں میں گرم سوئیاں چبھو دی گئیں۔ ہرمز کو یہ لرزہ خیز سزا دینے کے بعد اس کے بیٹے خسرو کی رسم تاجپوشی بڑی دھوم دھام سے منائی گئی۔ خسرو نے اپنے باپ کو زمین دوز قید خانہ سے نکالا اور اسے محل میں ٹھہرایا۔ اس کے آرام و آسائش کے سارے اسباب فراہم کیے اور بڑے صبر و تحمل سے اس کی گالی گلوچ کو برداشت کرتا رہا لیکن بہرام نے خسرو کو بادشاہ تسلیم نہ کیا اور اس کے خلاف اعلان جنگ کر دیا۔ خسرو میں مقابلہ کی تاب نہ تھی۔ حالات بھی اس کے موافق نہ تھے۔ اسے اپنی جان کا بھی خطرہ تھا۔ چنانچہ اپنے دوستوں سے طویل مشورے کے بعد ترکوں کے ہاں پناہ لینے کے بجائے اس نے رومی حکومت میں پناہ لینے کا فیصلہ کیا۔ رومی سلطنت کی سرحد بھی قریب تھی اور راہ فراء بھی آسان تھی۔ چنانچہ وہ اپنی داشتہ عورتوں کو لے کر صرف تیس پہرہ دار سپاہیوں کی معیت میں رومی مملکت میں پناہ گزین ہوگیا۔ سرحدی حکام نے اسے پناہ دی۔ بڑے احترام کے ساتھ اسے بیزنطینہ کے بادشاہ ماریس (MAURICE) کے پاس پہنچا دیا گیا۔ رومی بادشاہ نے اس کا شاہانہ استقبال کیا۔ سابقہ رنجشوں کو بھلا کر اس کی خاطر مدارت کی حد کر دی۔ جلاوطن شہزادے کو اس نے قیمتی تاج پہنایا۔ گراں بہا لعل و جواہر اسے بطور تحفہ دیے اور اپنے بہادر، وفا شعار جرنیل نارسس (NARSES) کو ایک لشکر جرار دے کر حکم دیا کہ وہ خسرو کا کھویا ہوا تخت اسے واپس دلائے۔ اس عرصہ میں لوگ بھی بہرام سے دل برداشتہ ہو چکے تھے اور اپنے کیے پر نادم تھے۔ جب خسرو رومی لشکر کو لے کر واپس آیا تو ایرانیوں نے اپنے معزول بادشاہ کا بڑے تباک سے استقبال کیا اور اس کی فوج میں شامل ہوگئے۔ بہرام نے دو مقامات پر خسرو کا مقابلہ کیا لیکن شکست کھائی۔ وہاں سے بھاگ نکلا، راستہ میں کسی نے زہر دی اور ہلاک ہو گیا۔ اس طرح خسرو نے رومی بادشاہ ماریس کی اعانت سے اپنا کھویا ہوا تخت واپس لیا۔

خسرو ماریس کا طوطی بول رہا تھا، لیکن یورپ میں حالات کا رخ اس کے خلاف تھا۔ ماریس سے چند ایسی غلطیاں ہوئیں کہ وہاں کے لوگ اس سے متنفر ہوگئے اور انہوں نے ایک معمولی فوجی فوکس (PHOCAS) کو اپنا سپہ سالار مقرر کر لیا اور قسطنطینہ پر چڑھائی کر دی لیکن باغیوں کو اپنی اسی جلد بازی پر ندامت ہونے لگی۔ اس کے باوجود وہ ماریس کو بادشاہ بنائے رکھنے پر رضا مند نہ ہوئے البتہ اس کے بیٹے تھیوڈوسس (HTEODOSIUS) اور اس کے سسر جرمانوس (GERMANUS) کے ساتھ دوستانہ خط و کتابت شروع کر دی۔ فوکس ایک بالکل غیر معروف آدمی تھا۔ شاہ روم اس کے نام تک سے واقف نہ تھا۔ جب اسے بتایا گیا کہ فوکس سازشی ہونے کے باوجود بزدل ہے تو اس کے منہ سے بےساختہ نکلا۔ افسوس! اگر وہ بزدل ہے تو یقیناً ایک قاتل ثابت ہوگا۔

حالات تیزی سے بگڑتے گئے۔ آخر کار بدقسمت ماریس اپنی بیوی اور نو بچوں کو لے کر ایک چھوٹی سی کشتی میں ایشیائی ساحل کی طرف بھاگ نکلا مگر باد مخالف کی شدت نے اس مجبور کر دیا کہ لیڈن کے قریب سینٹ آتو نومس میں پناہ لے۔ یہاں سے اس نے اپنے لڑکے کو ایران بھیجا تاکہ خسرو شاہ ایران سے امداد طلب کرے لیکن خود اس نے بھاگنے سے انکار کر دیا۔ اسے طرح طرح کی جسمانی اذیتیں دی گئیں، لیکن یہ صبر سے برداشت کرتا رہا۔ جب اسے شاہی تخت سے اتار دیا گیا، تو اس کے جانشین کے بارے میں اختلاف پیدا ہوگیا۔ آخر کار نظر انتخاب فوکس پر پڑی اور اس کے سرپر بیزنطینی مملکت کا تا ج رکھ دیا گیا۔ اس نے اپنے حامیوں پر انعام و اکرام کی بارش کر دی۔ ان کے لیے خزانوں کے منہ کھول دئیے۔ پادریوں نے بھی اس کی شاہی کا اعلان کر دیا۔ چنانچہ یوحنا کے کلیسا میں لے جا کر اسے خراج عقیدت پیش کیا گیا۔ تیسرے روز وہ ایک شاہی رتھ پر سوار ہو کر جسے چار سفید و براق گھوڑے کھینچ رہے تھے نکلا تو بےشعور عوام نے اس پر داد و تحسین کے پھول برسانے میں حد کر دی۔

اسے معلوم ہوا کہ ماریس ابھی زندہ ہے۔ اس نے جلادوں کو بھیجا کہ اسے پکڑ کر لائیں۔ چنانچہ ماریس اپنے پانچ بیٹوں کے ساتھ اس مقدس کلیسا سے پکڑا کر لایا گیا۔ اس کے سامنے اس کے پانچوں بیٹوں کو یکے بعد دیگرے قتل کر دیا گیا۔ جب بھی جلاد اس کے کسی بیٹے کا سر قلم کرنے کے لیے ضرب لگاتا تو وہ بڑی جرات سے کہتا: ’’اے خدا تو عادل ہے اور تیرے فیصلے درست ہیں‘‘۔ آخر اس کو بھی موت کے گھاٹ اتار دیا گیا۔ ان کی لاشوں کو سمندر میں پھینک دیا گیا اور ان کے سروں کو سر بازار لٹکا دیا گیا۔ اس وقت اس کی عمر 63 سال تھی اور اس کا دور حکومت بیس سال۔

کچھ عرصہ بعد ماریس کی بیوہ کا نسٹینٹنیا (CONSTANTINIA) کو اس کی تین معصوم بچیوں سمیت کالسیڈن کے اسی میدان میں ذبح کر دیا گیا چند روز پہلے اس کے خاوند اور اس کے پانچ بچوں کو قتل کر دیا گیا تھا۔

جب ان خونی واقعات کا علم خسرو کو ہوا تو وہ آپے سے باہر ہو گیا اور اعلان کیا کہ وہ اپنے محسن اور باپ ماریس، اس کی بیوہ، اس کے بچوں اور بچیوں کا انتقام فوکس سے ضرور لے گا چنانچہ خسرو نے فوکس کے خلاف اعلان جنگ کر دیا اور رومی مملکت پر چڑھائی کر دی۔

جلد ہی مارڈین، دلرا، امیڈا اور ایڈلیسا کے قلعوں کا محاصرہ کیا اور انہیں خاک سیاہ بنا کر رکھ دیا۔ دریائے فرات کو عبور کرکے اس نے شام کے مشہورشہروں لیسپو وغیرہ پر قبضہ کر لیا۔ ادھر رومی فوکس کے مظالم اور ایرانیوں کے مقابلہ میں اس کی شکست کے باعث اس سے دل برداشتہ ہوگئے۔ انہوں نے افریقہ کے گورنر ہرقل سے سازباز شروع کی کہ وہ روم کا تخت سنبھالے اور رومی سلطنت کو تباہی اور بربادی سے بچائے۔ ہرقل بوڑھا ہوچکا تھا اس لیے اس نے اپنے جواں سال بیٹے ہرقل ثانی کو اس مہم کے لیے نامزد کیا۔ اس نے بڑی جرات اور تیزی سے پیشقدمی کی اور فوکس کو ا س کے حملہ کی اس وقت خبر ہوئی جب اس نے اپنے محل کی کھڑکیاں سے ہرقل کے جنگی بیڑے کے بادبان اور بلند پرچم لہراتے ہوئے دیکھے۔ معمولی جھڑپ کے بعد ہرقل فتح کے شادیانے بجاتا ہوا قسطنطنیہ میں داخل ہوا۔ فوکس کو پابجولاں حاضر کیا گیا۔ اس کا سر کاٹ کر پھینک دیا گیا۔ اس کی لاش کو نذر آتش کر دیا گیا اور ہرقل نے فوکس کے حامیوں پر وہی ظلم و ستم کیے جو انہوں نے زمام اقتدار سنبھالتے وقت اپنے دشمنوں پر کیے تھے۔ یہ واقعہ 610 عیسوی کا ہے۔ یہ وہی سال ہے جب حضور سرور عالم (صلی اللہ علیہ وآلہ وسلم) نے نبوت کا اعلان فرمایا تھا۔

خسرو جو اپنے محسن کا انتقام لینے کے لیے بڑھا چلا آرہا تھا اس کو پتہ چل گیا کہ اس کے محسن کا قاتل فوکس کیفرکردار کو پہنچ چکا ہے۔ اگر اس کی چڑھائی کا مقصد صرف انتقام لینا تھا تو وہ پورا ہو چکا تھا۔ اسے چاہئے تھا کہ وہ اب واپس لوٹ آتا، لیکن اس نے ایک فرضی آدمی کو ماریس کا بیٹا ظاہر کیا اور اپنا حملہ جاری رکھا۔ رومی مملکت کے جن علاقوں سے اس کا گزر ہوتا انہیں تاخت و تاراج کر دیا جاتا۔ ظاہر یہ کرتا کہ میں ماریس کے اس بیٹے کو تخت نشین کرنا چاہتا ہوں۔ یہ محض بہانہ تھا حقیقت میں وہ رومی مملکت پر قبضہ کرنا چاہتا تھا۔ اس نے اپنی اس مہم کو زیادہ زور دار اور پرجوش بنانے کے لیے اسے مذہبی رنگ دے دیا اور اسے مجوسیت اور عیسائیت کے درمیان جنگ قرار دے دیا۔ دوسری مذہبی اقلیتیں جو رومیوں کے متعصب حاکموں اور تنگ دل پادریوں کے مظالم کا شکار بنتی چلی آئی تھیں انہوں نے ایرانیوں کا ساتھ دیا۔ چنانچہ چھبیس ہزار یہودی خسرو کی فوج میں بھرتی ہوگئے۔ صرف غیر عیسائی اقلیتیں ہی نہیں بلکہ وہ عیسائی فرقے جن کو کلیساء نے ملحد قرار دے دیا تھا جیسے نسطوری، یعقوبی وغیرہ بھی خسرو کے ساتھ ہوگئے۔

ایرانی فوجوں نے انطاکیہ پر قبضہ کر لیا۔ 613 عیسوی میں دمشق میں داخل ہوئیں، 614 عیسوی میں بیت المقدس کی اینٹ سے اینٹ بجا دی۔ ہیلینا اور قسطنطین کے شاہی قلعے مسمار کر دئیے گئے۔ کلیسوں کی ساری دولت لوٹ لی گئی۔ وہاں کا لاٹ پادری زکریا گرفتار کر لیا گیا اور اصلی صلیب جس پر عیسائیوں کے خیال کے مطابق حضرت مسیح کو سولی دی گئی تھی ایران بھیج دی گئی اور 90 ہزار عیسائیوں کو بھیڑ بکریوں کی طرح ذبح کر دیا گیا۔

انہیں ایام میں مکہ میں توحید و شرک کی آویزش سنگین صورت اختیار کرتی جا رہی تھی۔ مکہ اور مضافات کے مشرکین اسلام کی اس شمع کو بجھانے کے درپے ہوگئے تھے۔ مسلمان اپنی قوت ایمانی کے بل بوتے پر ان کے پیہم مظالم کو برداشت کر رہے تھے اور وہ نور اسلام کو پھیلانے کے لیے ہر طرح کوشاں تھے۔ جب شام اور فلسطین میں ایرانی مجوسیوں کی کامیابی اور رومی عیسائیوں کی شکست کی خبریں پہنچیں تو کفار مکہ کی خوشی کی انتہا نہ رہی۔ وہ کہنے لگے جس طرح ہمارے آتش پرست اور مشرک بھائی تمہارے ہم مسلک اہل کتاب کی مرمت کر رہے ہیں اور قدم قدم پر انہیں شکست دے رہے ہیں ہم تمہیں بھی اسی طرح نیست و نابود کرکے رکھ دیں گے۔

حالات کفار مکہ کی تائید کر رہے تھے۔ رومیوں کی قوت دن بدن ٹوٹ رہی تھی۔ ایرانی فوج اور ان کے شہنشاہ کی طاقت میں اضافہ ہو رہا تھا۔ رومی مملکت کے مفتوحہ صوبوں کے خزانے لد لد کر کسری کے قدموں میں ڈھیر ہو رہے تھے۔ اس کی فوجیں جدھر کا رخ کرتیں فتح و کامیابی ان کے قدم چومتی۔ شام، فلسطین، اردن، لبنان پر خسرو کا پرچم لہرانے لگا۔ افریقہ میں مصر سے لیبیا تک کا علاقہ فتح کر لیا گیا۔ دوسرے محاذ پر ایرانی فوجیں خود قسطنطنیہ کے دروازے پر دستک دینے لگیں اور 616 میں شہر کے سامنے ایک بلند پہاڑی پر ایرانی فوجوں نے اپنا کیمپ قائم کر لیا۔ ان حیرت انگیز فتوحات کے علاوہ مشہور انگریز مؤرخ گبن (EDWARD GIBBON) خسرو کے جاہ و چشم کا یوں ذکر کرتا ہے:

’ایرانی شہنشاہ کی سطوت کے اظہار کے لئے 960 ہاتھی ہر وقت تیار رہتے۔ بیس ہزار اونٹوں پر شاہی سامان سفر لدا ہوتا تھا۔ شاہی اصطبل میں چھ ہزار خچر اور اصیل گھوڑے موجود رہتے۔ جن میں سے شبدیز اور بریدا پنے حسن اور خوبیوں کی وجہ سے لازوال شہرت حاصل کر چکے تھے شاہی محل کے دروازوں کے سامنے چھ ہزار شہ سوار پہرے دار مقرر تھے۔ محل کے اندر بارہ ہزار غلام مختلف خدمات سر انجام دینے کے لیے مامور تھے۔ تین ہزار کنواری دوشیزائیں ان کے علاوہ تھیں۔ دنیائے حسن و جمال کی ملکہ ’شیریں‘ کا نام کون نہیں جانتا۔ وہ خسرو کے محل کو چار چاند لگا رہی تھی، لیکن خسرو کے ساتھ شیریں کی سرد مہری اور بےالتفاتی کی تلافی کے لیے حسین و جمیل عورتیں موجود تھیں۔ قیمتی ہیرے، جواہرات، سونے چاندی کے نوادرات کا شمار تک نہ تھا‘۔

گبن نے یہاں خوب لکھا ہے:

’ جب خسرو اپنے عظمت و عروج کے نشہ میں مخمور تھا۔ اسے دنیا بھر میں اپنا کوئی ہمسر نظر نہ آتا تھا۔ اس وقت اسے ایک مکتوب موصول ہوا۔ ایک ایسی ہستی کی طرف سے جو مکہ کا باشندہ ہے اور غیر معروف ہے۔ اس خط میں خسرو کو یہ دعوت دی گئی ہے کہ تم سلامتی چاہتے ہو تو اسلام کو قبول کرلو، اللہ تعالیٰ کی توحید اور محمد رسول اللہ (صلی اللہ علیہ وآلہ وسلم) کی رسالت پر ایمان لے آؤ۔ خسرو نے اس دعوت کو مسترد کر دیا اور اس نامہ کو پرزہ پرزہ کر دیا۔ اس کے اس نازیبا حرکت پر حضور (صلی اللہ علیہ وآلہ وسلم) نے یوں ارشاد فرمایا کہ خسرو نے میرا مکتوب پھاڑا ہے۔ اللہ تعالیٰ نے اس کی مملکت کو ہمیشہ ہمیشہ کے لیے پارہ پارہ کر دیا ہے‘۔

(رومن ایمپائر، جلد 4، ص 514)

خسرو کی نخوت اور غرور کا اندازہ اس خط سے بھی لگایا جا سکتا ہے جو اس نے بیت المقدس سے ہرقل کو لکھا تھا۔ اس کی عبارت پڑھ کر انسان کانپ اٹھتا ہے۔ کسرو نے ہر قل کو لکھا:

’سب خداؤں کے بڑے خدا، تمام روئے زمین کے مالک خسرو کی طرف سے اس کے کمینے اور بےشعور بندے کے نام۔ تو کہتا ہے کہ تجھے اپنے رب پر بھروسہ ہے کیوں نہ تیرے رب نے یروشلم کو میرے ہاتھ سے بچا لیا‘۔

ایک ایرانی جرنیل سین (SAIN) نے جب ہرقل کو مشور دیا کہ وہ صلح کے لیے اپنا سفیر خسرو کی خدمت میں بھیجے شاید جان بخشی کی صورت نکل آئے۔ اس رسوا کن تجویز کو ہر قل نے فوراً قبول کر لیا اور اپنا سفیر امن اور معذرت خواہی کے لیے خسرو کے دربار میں بھیجا۔ اس نے جب یہ درخواست پیش کی تو خسرو غصہ سے بےقابو ہوگیا اور گرج کر بولا:

’سفیر نہیں بلکہ خود ہرقل کو زنجیروں میں جکڑ کر میرے تخت کے سامنے لایا جائے اور میں شاہ روم کو کبھی امن نہیں دوں گا جب تک اپنے مصلوب خدا کا انکار کرکے سورج دیوتا کی پوجا شروع نہ کردے اور میرا مذہب نہ اختیار کر لے‘۔

یہ حالات تھے جب قرآن کریم کی یہ آیات طیبات اللہ تعالیٰ نے اپنے محبوب بندے اور آخری رسول پر نازل فرمائیں جن میں یہ مژدہ سنایا گیا کہ چند سال میں رومی غالب آجائیں گے اور ایرانیوں کو شکست ہوگی۔ چنانچہ گبن لکھتا ہے کہ:

’اس وقت یہ پیشین گوئی کی گئی تھی۔ اس وقت اس کا پورا ہونا ناممکن تھا، کیونکہ ہر قل کے عہد حکومت کے پہلے بارہ سالوں میں ہر وقت یہ خطرہ لاحق تھا کہ رومی مملکت کے ٹکڑے ٹکڑے ہو جائیں گے‘۔

تاریخ گبن، جلد 4، صفحہ 514

AT THE TIME THIS PREDICTION IS SAID TO HAVE BEEN DELIVERED, NO PROPHECY COULD BE MORE DISTANT FROM ITS ACCOMPLISHMENT SINCE THE FIRST TWELVE YEARS OF HERACLIUS ANNOUNCED THE APPROACHING DISSOLUTION OF THE EMPIRE.

جب اس ظالم و سفاک کے پنجہ استبداد سے نجات کی کوئی راہ نظر نہ آئی تو ہرقل نے اپنی عظیم مملکت کو بچانے کے لیے جان کی بازی لگا دینے کا عزم مضمم کر لیا۔ سب سے پہلے اسے جنگی تیاریوں کے لیے روپیہ کی ضرورت تھی۔ شاہی خزانہ پیہم جنگ و جدال اور فتنہ و فساد کی وجہ سے خالی ہو چکا تھا؛ چنانچہ اس نے کلیساؤں میں جمع شدہ دولت حاصل کرنے کی کوشش کی اور بڑی منت سماجت کے بعد پادری لوگ بھاری شرح سود پر قرضہ دینے پر رضا مند ہوئے۔ انہوں نے قیصر سے پختہ وعدہ لیا کہ وہ رقم بمع سود واپس کر دے گا۔ مالی مشکلات پر قابو پانے کے بعد اس نے آزمودہ کار سپاہیوں کا ایک لشکر فراہم کیا اور ایسٹر کی عید کے دو روز بعد اس نے کوچ کا طبل بجا دیا۔ اس نے شاہی خلعت فاخرہ اتاردی اور سپاہیانہ سادہ لباس زیب تن کیا اور اس عظیم تاریخی مہم پر روانہ ہوگیا۔ اس نے بری راستہ کے بجائے بحری راستہ اختیار کیا اور بڑی سرعت کے ساتھ اپنے جنگی بیڑے کو شام کے ساحل پر لنگر انداز کر دیا۔ ایرانی فوجیں عرصہ سے قسطنطنیہ کے قریب خیمہ زن تھیں۔ قیصر اپنے جنگی بیڑے کے ساتھ شام کے ساحل پر لنگر انداز ہوگیا اور آرمینیا کے کوہستانی دشوار راستوں سے ہوتا ہوا ایران کے قلب پر حملہ آور ہوا۔ ابن کثیر کے قول کے مطابق وہ بڑھتا چلا گیا یہاں تک کہ ایران کے پایہ تخت مدائن پر قبضہ کر لیا۔ وہاں بےشمار لوگوں کو یہ تیغ کیا اور خزانہ میں جو دولت تھی اسے لوٹ لیا۔ کسریٰ کی بیویوں اور اس کے اہل خانہ کو گرفتار کر لیا۔ اس کے لڑکے کا سرمونڈ دیا اور اسے گدھے پر سوار کرکے کسریٰ کی طرف بھیج دیا۔ کسریٰ جواب تک قسطنطنیہ کا محاصرہ کیے ہوئے تھا چالیس ہزار کا لشکر لے کر واپس لوٹا۔ ہرقل کی پیشقدمی جاری رہی۔ اس نے ان کے سب سے بڑے مقدس آتشکدہ کو بجھا دیا۔ ان کی عبادت گاہوں کو تباہ و برباد کر دیا اور زرتشت کے مقام پیدائش آرمیا کو تباہ کر دیا۔ اس طرح اس نے اپنے مقامات مقدسہ کی بےحرمتی کا انتقام لیا۔

یہی وہ سال ہے جب کفر اور اسلام کی پہلی جنگ بدر کے میدان میں لڑی گئی جس میں کفار کو قوت و طاقت کے باوجود شکست فاش ہونی اور ساری بےسروسامانیوں کے باوجود مسلمان کامیاب و سرخرو ہوئے۔ اس طرح اللہ تعالیٰ نے ان آیات میں رومیوں کے غلبہ اور مسلمانوں کی فتحیابی اور فرحت و شادمانی کی جو خبر دی تھی، وہ دس سال کے کم عرصہ میں پوری ہوئی اور ’وعد اللہ لایخلف اللہ‘ وعدہ کی عملی تفسیر مہر نیمروز کی طرح طالب حق کی شاہراہ حیات کو منور کرنے لگی۔

مضامین سورہ

اس تاریخی پس منظر کو سمجھ لینے کے بعد اب اس سورہ کے مضامین اپنی بھرپور معنویت اور اثر انگیزی کے ساتھ عیاں ہوتے ہیں۔ ابتدائی آیات میں بتایا کہ انسان اپنی ظاہری جاہ و حشمت پر اتنا مفرور ہو جاتا ہے کہ وہ اپنے اعمال بد کے نتائج سے بھی بےفکر ہو جاتا ہے وہ یہی سمجھتا ہے کہ اس کا آفتاب اقبال سدا یوں ہی چمکتا رہے گا۔ اس کے حسن و شباب کی بہار کبھی خزاں آشنا نہیں ہوگی۔ وہ قریبی عوامل بھی اس کی نگاہوں سے اوجھل رہتے ہیں جو عنقریب اس کے عیش و نشاط کی بساط کو الٹنے والے ہوتے ہیں۔

انسان کو خواب غفلت سے جگانے کے لیے اللہ تعالیٰ نے جو نظام حیات اپنے محبوب کریم (صلی اللہ علیہ وآلہ وسلم) کے ذریعے بھیجا اسے دین فطرت کہا گیا ہے جس سے یہ اشارہ کرنا مقصود ہے کہ یہ دین انسان کی فطری صلاحیتوں کو ختم نہیں کر دیتا، اس کی ترقی میں سنگ راہ ثابت نہیں ہوتا بلکہ ان کی اس طرح آبیاری کرتا ہے کہ وہ برگ وبار لاکر اس خاکدان ارضی کی زینت اور رونق میں اضافہ کرتی ہیں، اس لیے اس کی پابندی ہر سلیم الفطرت آدمی کے لیے ضروری ہے۔

سورہ کے مختلف مقامات پر اللہ تعالیٰ کی قدرت اور حکمت کی روشن دلیلیں ذکر کرکے یہ ثابت کیا گیا ہے کہ وہی خدا ہے جو ان صفات کمال سے متصف ہے اس کے علاوہ سب اس کے عاجز بندے ہیں۔ کسی کو یہ زیب نہیں دیتا کہ اس کی ہمسری کا خیال کرے، کسی کو یہ حق نہیں پہنچتا کہ وہ کسی کو اس کا شریک بنائے۔

1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31	32	33	34	35
36	37	38	39	40	41	42
43	44	45	46	47	48	49
50	51	52	53	54	55	56
57	58	59	60	61	62	63
64	65	66	67	68	69	70
71	72	73	74	75	76	77
78	79	80	81	82	83	84
85	86	87	88	89	90	91
92	93	94	95	96	97	98
99	100	101	102	103	104	105
106	107	108	109	110	111	112
113	114

Surah ar-Rum with Urdu Translation

تعارف سورۃ الروم

شان نزول

مضامین سورہ

اللہ کے نام سے شروع جو نہایت مہربان ہمیشہ رحم فرمانے والا ہے

In the Name of Allah, the Most Compassionate, the Ever-Merciful

1. الف، لام، میم (حقیقی معنی اللہ اور رسول صلی اللہ علیہ وآلہ وسلم ہی بہتر جانتے ہیں)o

1. Alif, Lam, Mim. (Only Allah and the Messenger [blessings and peace be upon him] know the real meaning.)

1. Aliflammeem

1. Alif, Lām, Mīm (kun Allah og Sendebudet ﷺ kjenner til den sanne betydningen).

1. अलिफ लाम मीम (हक़ीक़ी मअ़ना अल्लाह और रसूल सल्लल्लाहु अ़लैहि व सल्लम ही बेहतर जानते हैं) ।

১. আলিফ-লাম-মীম। (প্রকৃত অর্থ আল্লাহ্ এবং রাসূল সাল্লাল্লাহু আলাইহি ওয়া আলিহী ওয়াসাল্লামই সম্যক অবগত।)

الم

(الرُّوْم، 30 : 1)

2. اہلِ روم (فارس سے) مغلوب ہوگئےo

2. The Romans have been overpowered (by Persia),

2. Ghulibati alrroomu

2. Romerne har lidt nederlag (for perserne)

2. अह्‌ले रूम (फारस से) मग़्लूब हो गए।

২. রোমানরা পরাজিত হয়েছে (পারস্য কর্তৃক)

غلبت الروم

(الرُّوْم، 30 : 2)

3. نزدیک کے ملک میں، اور وہ اپنے مغلوب ہونے کے بعد عنقریب غالب ہو جائیں گےo

3. In the land nearby. And after their defeat they will soon gain victory,

3. Fee adna alardi wahum min baAAdi ghalabihim sayaghliboona

3. i et land like ved. Og de vil snart seire igjen etter nederlaget sitt,

3. नज़्दीक के मुल्क में, और वोह अपने मग़्लूब होने के बाद अ़नक़रीब ग़ालिब हो जाएंगे।

,৩. নিকটতম ভূমিতে, তবে তাদের পরাজয়ের পর শীঘ্রই তারা বিজয়ী হবে।

في أدنى الأرض وهم من بعد غلبهم سيغلبون

(الرُّوْم، 30 : 3)

4. چند ہی سال میں (یعنی دس سال سے کم عرصہ میں)، اَمر تو اللہ ہی کا ہے پہلے (غلبۂ فارس میں) بھی اور بعد (کے غلبۂ روم میں) بھی، اور اس وقت اہلِ ایمان خوش ہوں گےo

4. In a few years (i.e., in less than a decade). The command is but Allah’s both before (in the Persian dominance) and afterwards too (in the Roman dominance). And the believers will rejoice on that day,

4. Fee bidAAi sineena lillahi alamru min qablu wamin baAAdu wayawmaithin yafrahu almuminoona

4. om noen få år (i løpet av en periode på mindre enn ti år). Befalingen tilhører Allah alene både før (persernes overtak) og etter (romernes overtak). Og de troende vil være frydefulle på den dagen,

في بضع سنين لله الأمر من قبل ومن بعد ويومئذ يفرح المؤمنون

(الرُّوْم، 30 : 4)

5. اللہ کی مدد سے، وہ جس کی چاہتا ہے مدد فرماتا ہے، اور وہ غالب ہے مہربان ہےo

5. With the help of Allah. He helps whom He wills and He is Almighty, Ever-Merciful.

5. Binasri Allahi yansuru man yashao wahuwa alAAazeezu alrraheemu

5. ved Allahs hjelp. Han hjelper hvem Han enn vil. Han er den Allmektige, den evig Nåderike.

5. अल्लाह की मदद से, वोह जिसकी चाहता है मदद फरमाता है, और वोह ग़ालिब है मेहरबान है।

,৫. আল্লাহ্‌র সাহায্যে। তিনি যাকে ইচ্ছা সাহায্য করেন এবং তিনি পরাক্রমশালী, অসীম দয়ালু।

بنصر الله ينصر من يشاء وهو العزيز الرحيم

(الرُّوْم، 30 : 5)

6. (یہ تو) اللہ کا وعدہ ہے، اللہ اپنے وعدہ کے خلاف نہیں کرتا، لیکن اکثر لوگ نہیں جانتےo

6. (This) is the promise of Allah. Allah does not go against His promise but most people do not know.

6. WaAAda Allahi la yukhlifu Allahu waAAdahu walakinna akthara alnnasi la yaAAlamoona

6. (Dette er) Allahs løfte! Allah bryter ikke løftet Sitt, men folk flest vet ikke.

6. (ये तो) अल्लाह का वादा है, अल्लाह अपने वादे के ख़िलाफ नहीं करता, लेकिन अक्सर लोग नहीं जानते।

৬. (এ তো) আল্লাহ্‌র প্রতিশ্রুতি; আল্লাহ্ নিজ প্রতিশ্রুতির ব্যতিক্রম করেন না। কিন্তু অধিকাংশ মানুষ জানে না।

وعد الله لا يخلف الله وعده ولكن أكثر الناس لا يعلمون

(الرُّوْم، 30 : 6)

7. وہ (تو) دنیا کی ظاہری زندگی کو (ہی) جانتے ہیں اور وہ لوگ آخرت (کی حقیقی زندگی) سے غافل و بے خبر ہیںo

7. They know only the visible worldly life, and they are neglectful and unaware of (the real life of) the Hereafter.

7. YaAAlamoona thahiran mina alhayati alddunya wahum AAani alakhirati hum ghafiloona

7. De kjenner kun til det synlige av jordelivet, og om (det ekte livet i) det hinsidige er de helt uoppmerksomme.

7. वोह (तो) दुन्या की ज़ाहिरी ज़िन्दगी को (ही) जानते हैं और वोह लोग आख़िरत (की हक़ीक़ी ज़िन्दगी) से ग़ाफिलो बेख़बर हैं।

৭. তারা তো কেবল পার্থিব বাহ্যিক জীবনকে(ই) জানে আর পরকালের (প্রকৃত জীবনের) ব্যাপারে এরা উদাসীন ও অনবহিত।

يعلمون ظاهرا من الحياة الدنيا وهم عن الآخرة هم غافلون

(الرُّوْم، 30 : 7)

8. Have they not meditated within themselves that Allah has not created the heavens and the earth and whatever is between the two except with (a system of) truth and for a fixed term? And surely, most of the people do not believe in the meeting with their Lord.

8. Awalam yatafakkaroo fee anfusihim ma khalaqa Allahu alssamawati waalarda wama baynahuma illa bialhaqqi waajalin musamman wainna katheeran mina alnnasi biliqai rabbihim lakafiroona

8. Har de da ikke noen gang gått dypt i seg selv og tenkt på at Allah ikke har skapt himlene og jorden og alt det som mellom dem begge er, uten med sannheten (sannhetens system) og (et spenn av) fastsatt tidsfrist? Og sannelig, mange blant menneskene er fornektere av møtet med Herren sin.

أولم يتفكروا في أنفسهم ما خلق الله السماوات والأرض وما بينهما إلا بالحق وأجل مسمى وإن كثيرا من الناس بلقاء ربهم لكافرون

(الرُّوْم، 30 : 8)

9. Awalam yaseeroo fee alardi fayanthuroo kayfa kana AAaqibatu allatheena min qablihim kanoo ashadda minhum quwwatan waatharoo alarda waAAamarooha akthara mimma AAamarooha wajaathum rusuluhum bialbayyinati fama kana Allahu liyathlimahum walakin kanoo anfusahum yathlimoona

(الرُّوْم، 30 : 9)

10. پھر ان لوگوں کا انجام بہت برا ہوا جنہوں نے برائی کی اس لئے کہ وہ اللہ کی آیتوں کو جھٹلاتے اور ان کا مذاق اڑایا کرتے تھےo

10. Then much evil came to be the end of those who did evil because they used to belie the Revelations of Allah and used to ridicule them.

10. Thumma kana AAaqibata allatheena asaoo alssooa an kaththaboo biayati Allahi wakanoo biha yastahzioona

10. Deretter ble enden til dem som handlet ondt, svært sørgelig, for de pleide å forsverge Allahs åpenbaringer og latterliggjøre dem.

ثم كان عاقبة الذين أساؤوا السوأى أن كذبوا بآيات الله وكانوا بها يستهزؤون

(الرُّوْم، 30 : 10)

11. اللہ مخلوق کو پہلی بار پیدا فرماتا ہے پھر (وہی) اسے دوبارہ پیدا فرمائے گا، پھر تم اسی کی طرف لوٹائے جاؤ گےo

11. Allah generates creation the first time, then (He is the One Who) will create it the second time, then to Him you will be returned.

11. Allahu yabdao alkhalqa thumma yuAAeeduhu thumma ilayhi turjaAAoona

11. Allah lar skapningene oppstå; deretter vil Han skape dem på nytt; deretter vil dere bli brakt tilbake til Ham.

11. अल्लाह मख़्लूक को पहली बार पैदा फरमाता है फिर (वोही) उसे दोबारा पैदा फरमाएगा, फिर तुम उसी की तरफ लौटाए जाओगे।